Veur de Limburgers

Ich zal mich 'ns veursjtelle.

Ich bin Kylian en ich vertel verhaole

Ich bin Kylian, en ich vertel verhaole. Dees verhaole kome toèt sjtandj door samewèrking van diverse verhaolevertellers. Ich bewèrk de tekste die ich toegesjtuurdj kriég en voog ze same toèt min of mieër kloppendje verhaole. Ich wèrk zelf mit aan de verhaole en dus kènt geer in de verhaole, hoewaal neet allemaol, ouch tekste van mich taegekome. De aafsjproak is, dat de auteurs, de vertellers van verhaole en leveranciers van de tekste, anoniem bliéve. As geer wilt weíte waem welk deíl van 't verhaol haet aangeleverdj, zult geer zelf op zeuk motte gaon. Mer pas op: "de horror auteur zou best waal is 't roman deíl gemaaktj kinne höbbe terwiél de roman sjriever 't SF deíl gemaaktj haet."

't Bliéft e raodsel waem wat gesjreve haet.

Wat beteikent dit in 't kort? Ich verzamel verhaole van versjillende minse. Ich voog ze same toèt ein good verhaol, mer ich maak ouch zelf deile van 't verhaol. Geer kènt neet weíte waem wat haet gesjreve. 't Is ein sjpel van raoje en ondekkinge! Waorom dees geheimzaamheid? Dees geheimzinnigheid maaktj 't verhaol sjpannendjer en sjtimuleertj de fantasie van de laezer. 't Is ein sjpeelveldj woe geer zelf de verhaole kènt ondekke en belaeve. 't Geit neet um wie 't verhaol gemaaktj is, mer um 't verhaol zelf. Kin ich mitmake? Jazeker! As geer 'n verhaol, ein deíl van e verhaol, of ein sjriefstiel höbt waat ich kin gebroéke, Zeuk mich op en sjtuur 't mich toè !

Kylian.